​

Wakati wa mradi wa INSPIRE, tulishirikiana na vijana na watu wazima na kubaini changamoto wanazokutana nazo watunga sera, wapangaji wa huduma za afya, na watoa huduma wanapojaribu kuunganisha afua mpya kwa vijana katika huduma zilizopo. Ingawa kuna nyaraka zinazoeleza kile ambacho watu wazima wanapaswa kufanya ili kuwahusisha vijana katika kuandaa na kuunganisha afua za afya ya akili, hazitoi mifano, shughuli au zana za kuwasaidia kujua jinsi ya kufanya hivyo.

Mradi wa SUMMIT (Scaling-up Co-designed Mental Health Interventions for Teens) unalenga kukabiliana na changamoto hii. Lengo letu ni kutengeneza kifurushi cha mwongozo (toolkit) kinachofaa na kinachoweza kutumika kwa urahisi, ili kusaidia wadau katika mchakato wa kubadilisha na kuunganisha afua za afya ya akili kwa vijana. Hii itafanyika kwa ushirikiano na vijana, walezi wao, pamoja na wataalamu wa afya na sera nchini Kenya na Msumbiji.
Kifurushi hiki kitakachokubaliwa kitajaribiwa kupitia kubadilishwa kwa programu ya Thriving Mamas ili itekelezwe katika jiji la Mombasa (Kenya) na Tete (Msumbiji). Wakati wa mradi huu, data za kimaelezo (qualitative) na za kitakwimu (quantitative) zitakusanywa ili kuelewa vyema uzoefu wa washiriki katika shughuli za kubuni kwa ushirikiano, manufaa na ukamilifu wa kifurushi hiki cha mwongozo, pamoja na mtazamo wao kuhusu uwezekano, ufanisi, na uhalali wa programu ya Thriving Mamas katika mazingira mapya ya mijini.

Uchukuaji wa washiriki (recruitment) unatarajiwa kuanza mwishoni mwa Septemba au mapema Oktoba 2025.

​​